الخطر ولا المشكلة؟ اعرف الفرق قبل ما تتصرف

الخطر ولا المشكلة؟ اعرف الفرق قبل ما تتصرف

في إدارة المشاريع، ناس كتير بتخلط بين الخطر Risk والمشكلة Issue، رغم إن الفرق بينهم بسيط جدًا، ومعرفته بتفرق في طريقة التعامل.

الخطر Risk هو حاجة ممكن تحصل في المستقبل، وممكن يكون تأثيرها سلبي أو حتى إيجابي على المشروع.
يعني لسه ما حصلتش، لكن إحنا متوقعين احتمال حدوثها وبنجهز لها خطة.

مثال:
ممكن المورد يتأخر في توريد المعدات.
هنا التأخير لسه ما حصلش، إذن ده خطر Risk.

أما المشكلة Issue فهي حاجة حصلت بالفعل وبدأ تأثيرها يظهر على المشروع، وبالتالي محتاجة إجراء سريع وقرار واضح.

مثال:
المورد اتأخر فعلًا، والتأخير بدأ يأثر على الجدول الزمني.
هنا الموضوع بقى مشكلة Issue.

الشاطر يعمل إيه؟

مدير المشروع الشاطر ما يستناش الخطر لحد ما يتحول لمشكلة.
هو بيراقب المخاطر من بدري، ويحدد احتمال حدوثها وتأثيرها، ويحط خطة مناسبة للتعامل معاها.

ولو الخطر حصل فعلًا، ساعتها ما بقاش خطر… أصبح Issue ولازم يتم التعامل معاه فورًا.

قاعدة الشاطر رقم 3

لو الحاجة لسه ممكن تحصل → Risk
لو الحاجة حصلت بالفعل → Issue

إدارة المخاطر مش معناها إنك تمنع كل المشاكل، لكن معناها إنك تشوف بدري، تستعد أحسن، وتقلل المفاجآت.

الشاطر مش اللي بيحل المشكلة بعد ما تحصل… الشاطر هو اللي يشوفها وهي لسه خطر.